بھارتی معروف اداکار و بگ باس سیزن 13 کے فاتح سدھاتھ شکلا کو مداحوں سے بچھڑے ہوئے ایک سال بیت گیا۔
گزشتہ روز سدھارتھ شکلا کی دوسری برسی منائی گئی اور اُن کے مداحوں نے ٹی وی پر اُن کی کمی کو خوب یاد کیا۔
دوسری جانب سدھارتھ اور خود کو دو قلب ایک جان اور سدھارتھ کو اپنی کُل دنیا قرار دینے والی بھارتی معروف اداکارہ شہناز گِل اس اہم موقع پر خاموش ہیں جس پر مداحوں کی جانب سے سوالات اٹھائے جا رہے ہیں۔
سدھارتھ کی پہلی برسی کے موقع پر اگر شہناز گِل کے سوشل میڈیا اکاؤنٹس دیکھے جائیں تو وہ تاحال خاموش ہیں اور سدھارتھ کے انتقال یا برسی سے متعلق کوئی بھی پوسٹ موجود نہیں ہے۔
اس پر ناصرف سدھارتھ بلکہ شہناز گِل کے مداح بھی حیران ہیں اور یہ جاننے کے لیے بے تاب ہیں کہ ’سدھارتھ شکلا کی پہلی برسی پر شہناز گِل کہاں ہیں، انہوں نے سدھارتھ کی یاد میں کوئی پوسٹ کیوں نہیں کی؟‘
یاد رہے کہ شہناز گل اور سدھارتھ شکلا بھارتی رئیلٹی شو بگ باس کے سیزن 13 میں ملے تھے اور قریبی دوست بن گئے تھے، اس جوڑی نے کیمرے پر متعدد بار اپنی محبت کا اظہار بھی کیا تھا۔
واضح رہے کہ گزشتہ برس 2 ستمبر کو سدھارتھ شکلا دل کا دورہ پڑنے سے 40 سال کی عمر میں انتقال کر گئے تھے۔