پاکستان سپر لیگ (پی ایس ایل) کے لیے غیر ملکی کھلاڑیوں نے دلچسپی دکھانا شروع کردی۔
ذرائع کے مطابق پاکستان سپر لیگ سیزن 8 کے لیے بنگلادیش کے کپتان شکیب الحسن نے بھی پلیئرز ڈرافٹ کے لیے رجسٹریشن کرالی۔
ذرائع کا کہنا ہے کہ سری لنکا کے ڈاسن شناکا اور وانندو ہسارنگا بھی ڈرافٹ کے لیے رجسٹرڈ ہوگئے۔
اس کے علاوہ انگلینڈ کے ڈیوڈ ملان نے بھی رجسٹریشن کرالی اور وہ بھی پلیئرز ڈرافٹ میں شامل ہوں گے۔
جنوبی افریقا کے ڈیوڈ ملر اور انگلینڈ کے جیسن رائےکی رجسٹریشن کا اعلان پہلے ہی ہوچکا ہے۔
ذرائع کے مطابق پلیئرز ڈرافٹ نومبر کے تیسرے ہفتے میں ہونے کا امکان ہے۔