سری لنکا کرکٹ نے زیادتی کے الزام کے بعد دانشکا گونا تھیلاکا کو ہر طرز کی کرکٹ سے معطل کر دیا۔
سری لنکا کرکٹ کی ایگزیکٹو کمیٹی نے دانشکا کو معطل کرنے کا فیصلہ کیا۔
سری لنکا کرکٹ کا کہنا ہے کہ دانشکا گونا تھیلاکا کو ہر طرز کی کرکٹ سے فوری پر معطل کر دیا گیا ہے۔
سری لنکا کرکٹ نے کہا کہ زیادتی کے الزام میں کرکٹر دانشکا کو سڈنی میں گرفتار کیا گیا۔
سری لنکن کرکٹ بورڈ کا کہنا ہے کہ کرکٹ سری لنکا تمام معاملے کی انکوائری کرے گا، انکوائری کورٹس کیس کے اختتام پر ہو گی، قصور وار قرار پانے پر کرکٹر کو سزا سنائی جائے گی۔
سری لنکا کرکٹ نے یہ بھی کہا کہ ایسے رویے کے لیے زیرو ٹالرینس پالیسی ہے، واقعے کی تحقیقات کے لیے آسٹریلوی حکام سے تعاون کیا جائے گا۔
واضح رہے کہ سری لنکن کرکٹر کو زیادتی کے الزام میں 2 روز پہلے سڈنی میں گرفتار کیا گیا تھا۔
غیرملکی میڈیا کے مطابق آسٹریلیا کی ایک 29 سالہ خاتون نے سری لنکن بیٹر پر زیادتی کا الزام عائد کیا تھا جس کی پولیس تفتیش کر رہی تھی۔
آسٹریلوی میڈیا کے مطابق خاتون کا کچھ دن قبل ڈیٹنگ ایپ کے ذریعے کرکٹر سے رابطہ ہوا تھا، خاتون نے الزام لگایا کہ 2 نومبر کو دانشکا گوناتھیلاکا نے انہیں جنسی زیادتی کا نشانہ بنایا۔