شام کے دارالحکومت دمشق کے انٹرنیشنل ایئر پورٹ پر اسرائیلی فوج نے میزائلوں سے حملہ کیا ہے۔
شامی میڈیا کے مطابق اسرائیلی حملے میں 2 شامی فوجی ہلاک ہو گئے جبکہ 2 زخمی ہوئے۔
شامی میڈیا کے مطابق شامی حکام کا کہنا ہے کہ اسرائیلی فوج نے طبریہ جھیل کی سمت سے میزائلوں کے ذریعے دمشق کے ایئر پورٹ کو نشانہ بنایا۔
اسرائیلی حملے کے نتیجے میں دمشق ایئر پورٹ کی عمارت کو نقصان پہنچا ہے جبکہ فضائی سروس معطل ہو گئی ہے۔