سلمان خان اور کیٹرینہ کیف
کو لے کر بی ٹاون میں کبھی کافی چرچے ہوا کرتے تھے۔ فینس دونوں کی جوڑی کو اسکرین پر تو کافی پسند کرتے ہی ہیں وہیں یہ بھی چاہتے تھے کہ یہ جوڑی رئیل لائف میں بھی بن جائے، لیکن ایسا نہیں ہوسکا اور کیٹرینہ کیف نے وکی کوشل کے ساتھ شادی کرلی۔ حالانکہ کیٹرینہ کی شادی کے بعد بھی سلمان خان کا ان کے ساتھ اسپیشل بانڈ ہے۔ دونوں ستاروں نے ایک اچھا رشتہ بنائے رکھا ہے۔ وہیں سلمان کا ایک تھرو بیک ویڈیو وائرل ہورہا ہے جس مٰن وہ کیٹرینہ کے لیے وکی کوشل کے سامنے گانا گاتے نظر آرہے ہیں۔
سلمان نے کیٹرینہ کے لیے گیا تھا ’ہارٹ بریکنگ سانگ‘
بتادیں کہ شادی کے بعد کیٹرینہ ’ٹائیگر 3‘ میں سلمان خان کے ساتھ اسکرین شیئر کرتی نظر آئیں گی اور فینس ایک مرتبہ پھر ان کی کیمسٹری دیکھنے کے لیے کافی پرجوش ہیں۔ ان سب کے درمیان سلمان کا ایک تھرو بیک ویڈیو بھی وائرل ہورہا ہے۔ دلچسپ بات یہ ہے کہ ویڈیو میں سلمان خان ایک ایوارڈ ایونٹ میں وکی کوشل کے سامنے کیٹرینہ کے لیے ہارٹ بریکنگ سانگ گاتے ہوئے نظر آرہے ہیں۔