امریکا میں انسان میں سؤر کے گردے کی پیوندکاری کا تجربہ کامیاب ہوگیا۔
غیرملکی میڈیا کے مطابق ذہنی طور پر مردہ قرار دیے گئے شخص میں سور کے گردے کی پیوندکاری کی گئی ہے۔
اس حوالے سے امریکی سرجنز کا کہنا ہے کہ جینیاتی طور پر تبدیل شدہ سؤر کا گردہ انسان میں 32 روز سے فعال ہے۔
سرجنز کے مطابق وہ پُرامید ہیں کہ سؤر کا گردہ اسی طرح معمول کے مطابق متاثرہ شخص میں کام کرتا رہے گا۔
مریکی سرجنز کا کہنا ہے کہ انسان میں سؤر کے گردے کا معمول کے مطابق کام کرنا بڑی پیشرفت ہے اور امید ہے سؤر کا گردہ دیگر انسانوں میں بھی معمول کے مطابق کام کرے گا۔
طبی دنیا میں اس قسم کی سرجری کو زینو ٹرانسپلانٹیشن کہا جاتا ہے جس میں کسی ایک قسم کے جاندار کے اعضاء یا ٹشوز کسی دوسری قسم کے جاندار میں منتقل کیے جاتے ہیں۔
ایک محتاط اندازے کے مطابق امریکا میں روزانہ 17 لوگ صرف اس وجہ سے مر جاتے ہیں کہ وہ انسانی اعضاء کی پیوندکاری کے لیے انتظار میں ہوتے ہیں۔
طبی ماہرین کا اس حوالے سے کہنا ہے کہ اس کامیاب سرجری کے باوجود ریگولیٹر کی جانب سے منظوری کے علاوہ بہت سی رکاوٹیں ہیں۔