بالی ووڈ کے معروف اداکار ارجن کپور اور ان کی زائدالعمر گرل فرینڈ و اداکارہ ملائکہ اروڑا کی علیحدگی کے حوالے سے خبریں گردش کرنے لگیں۔
فوٹو انیڈ ویڈیو شیئرنگ پلیٹ فارم انسٹاگرام پر اداکار ارجن کپور کی حالیہ سوشل میڈیا پوسٹ نے سوشل میڈیا صارفین کو کشمکش میں مبتلا کر دیا۔
ارجن کپور کی شیئر کی گئی ان تصاویر میں انہیں خوش گوار انداز میں چھٹیاں مناتے، سوئمنگ کرتے اور ورک آؤٹ کرتے ہوئے دیکھا جاسکتا ہے۔
تاہم ان تصاویر کے ساتھ شیئر کیے گیے کیپشن ’زندگی چھوٹی ہے، اپنے ویک اینڈ کو طویل کیجئے‘، نے ان کی اور ان کی گرل فرینڈ ملائکہ اروڑا کی علیحدگی سے متعلق قیاس آرائیوں کو جنم دے دیا ہے۔
خیال رہے کہ گزشتہ کافی عرصے سے ہر چھٹی پر اداکار کو ان کی گرل فرینڈ ملائکہ اروڑا کے ہمراہ دیکھا جاتا رہا ہے، تاہم یہ پہلا موقع ہے جب یہ دونوں ایک ساتھ نہیں ہیں۔