بالی ووڈ فلموں فلم دل چاہتا ہے اور چک دے انڈیا میں اداکاری کے جوہر دکھانے والے ریو کپاڈیا چل بسے۔
رپورٹس کے مطابق 66 سالہ ریو کپاڈیا کی موت کی تصدیق ان کے دوست فیصل ملک نے کی۔
ریو کپاڈیا نے سوگواران میں اہلیہ ماریا فرح اور دو بچے امان اور ویر چھوڑے ہیں۔
ریو کی موت کی وجہ اب تک معلوم نہیں ہوسکی۔ دوستوں اور ساتھی اداکاروں کی جانب سے ریو کو خراج عقیدت پیش کرنے کا سلسلہ جاری ہے۔
خیال رہے کہ ریو کپاڈیا نے دل چاہتا ہے، چک دے انڈیا اور مردانی جیسی مشہور فلموں میں اداکاری کے جوہر دکھائے تھے۔