پاکستان سپر لیگ (پی ایس ایل) 9 کے 9 ویں میچ میں پشاور زلمی نے ملتان سلطانز کو 180 رنز کا ہدف دیدیا۔
پشاور زلمی نے مقررہ 20 اوورز میں 8 وکٹ پر 179 رنز بنائے اور میزبان ٹیم کےلیے 180 رنز کا ہدف سیٹ کیا۔
پشاور زلمی کی طرف سے حسیب اللّٰہ نے 37، بابر اعظم نے 31، رومین پاول نے 23، محمد حارث نے 19 اور آصف علی نے 13 کی اننگز کھیلی جبکہ لیوک ووڈ 17 رنز کے ساتھ ناقابل شکست رہے۔
ملتان کی طرف سے ڈیوڈ ویلی، محمد علی اور اسامہ میر نے 2- 2 شاہنواز دھانی اور عباس آفریدی نے 1-1 وکٹ اپنے نام کی۔
پی ایس ایل9 میں محمد رضوان کی ٹیم پوائنٹس ٹیبل پر سرفہرست جبکہ بابراعظم الیون آخری نمبر پر ہے۔
ملتان اسٹیڈیم میں کھیلے جارہے میچ میں بابر اعظم نے ٹاس جیت کر پہلے بیٹنگ کرنے کا فیصلہ کیا ہے، یہ موجودہ ایونٹ میں ان کا تیسرا میچ ہے، ٹیم کو ابتدائی 2 میچز میں شکست کا سامنا کرنا پڑا ہے۔
دوسری طرف ملتان سلطانز کا ایونٹ میں یہ چوتھا میچ ہے، اس نے تینوں میچز میں فتح اپنے نام کی ہے، پی ایس ایل میں اپنے آخری 11 میچز میں رضوان الیون کو صرف ایک میچ میں شکست ہوئی ہے۔
ملتان سلطانز نے پشاور زلمی کو آخری 5 میچز میں لگاتار شکست سے دوچار کیا ہے، پی ایس ایل 2024ء میں رضوان الیون نے کراچی کنگز، اسلام آباد یونائیٹڈ اور لاہور قلندرز کو شکست دی ہے۔
ملتان سلطانز کی طرف سے آج کے میچ میں محمد رضوان، ڈیوڈ ملان، ریز ہینڈرکس، یاسر خان، افتخار احمد، خوش دل شاہ، ڈیوڈ ویلے، اُسامہ میر، عباس آفریدی، محمد علی اور شاہنواز دھانی کھیل رہے ہیں۔
پشاور زلمی کی طرف سے صائم ایوب، بابراعظم، محمد حارث، حسیب اللّٰہ خان، رومن پاول، آصف علی، پاول والٹر، لک ووڈ، عارف یعقوب، نوین الحق اور سلمان ارشاد میدان میں اتر رہے ہیں۔