خصوصی سرمایہ کاری سہولت کونسل کی ایپکس کمیٹی کا تعارفی اجلاس شروع ہو گیا۔
وزیرِاعظم شہباز شریف اسپیشل انویسٹمنٹ فسیلیٹیشن کونسل کی ایپکس کمیٹی کے اجلاس کی صدارت کر رہے ہیں۔
اعلیٰ عسکری حکام بھی اجلاس میں شریک ہیں، آرمی چیف جنرل عاصم منیر ایپکس کمیٹی کے اجلاس میں خصوصی طور پر شریک ہیں۔
وفاقی وزراء، پنجاب، بلوچستان اور سندھ کے وزرائے اعلیٰ بھی ایپکس کمیٹی کے اجلاس میں شریک ہیں۔
اجلاس میں سابق نگراں وزیرِاعظم انوارالحق کاکڑ اور نگراں کابینہ کو بھی مدعو کیا گیا ہے۔
اجلاس میں ایس آئی ایف سی سے متعلق ارکان کو تفصیلی بریفنگ دی جائے گی۔
اجلاس میں ملک میں سرمایہ کاری سے متعلق امور کا جائزہ لیا جائے گا۔