پاکستانی معروف اداکار، گلوکار و میزبان محسن عباس حیدر نے ساتھی اداکارہ حبا کے ہمراہ نئی تصویریں شیئر کی ہیں۔
اداکار نے حبا کے ساتھ 3 خوبصورت تصویریں شیئر کرتے ہوئے کیپشن میں لکھا ہے کہ اتوار کا صحیح ناشتہ ایسا ہی لگتا ہے۔
محسن عباس حیدر اور حبا کی تصویروں کا اگر بغور جائزہ لیا جائے تو معلوم ہوتا ہے کہ ان دونوں فنکاروں کی ناصرف اسکرین بلکہ حقیقی زندگی میں بھی خوب جم رہی ہے۔
محسن عباس و اداکارہ حبا کی ان تصویروں پر انسٹاگرام صارفین بھی اپنی اپنی رائے کا اظہار کر رہے ہیں۔
کسی صارف نے حبا کو مخاطب کرتے ہوئے لکھا ہے کہ براہِ کرم اس سے شادی نہ کر لینا، تو کسی نے پیش گوئی کی ہے کہ اس جوڑی کی جَلد شادی کی خبر آنے والی ہے۔
اسی طرح کچھ صارفین نے شبے کا اظہار کیا ہے کہ اگر اداکارہ نے محسن عباس سے شادی کر لی تو اب ان کی پٹائی ہو گی جبکہ کچھ کا کہنا ہے کہ محسن عباس حیدر کو نیا ’پنچگ بیگ‘ مل گیا ہے۔