ایمرجنگ ٹیمز ٹی ٹوئنٹی ایشیا کپ کے پہلے سیمی فائنل میں سری لنکا اے نے دفاعی چیمپئن پاکستان شاہینز کو 7وکٹوں سے شکست دیکر فائنل کیلئے کوالیفائی کرلیا۔
میچ میں پاکستان نے ٹاس جیت کر پہلے بیٹنگ کی مگر سوائے عمیر بن یوسف کے کوئی دوسرا بیٹر نہیں چل سکا۔ عمیر بن یوسف کے 68 رنز کی بدولت پاکستان شاہینز نے 9 وکٹوں کے نقصان پر 135رنز بنائے۔
جواب میں سری لنکا اے نے ہدف 17ویں اوور میں تین وکٹ کے نقصان پر حاصل کرلیا۔
وکرما سنگھے نے 52 اورلاہیرو اُودارا نے 43رنز کی نمایاں اننگز کھیلیں، اس کامیابی کے ساتھ سری لنکا اے نے فائنل کیلئے کوالیفائی کرلیا۔