وزیراعظم شہباز شریف نے قوم سے نماز استسقاء ادا کرنے کی اپیل کردی۔
اپنے پیغام میں شہباز شریف نے کہا کہ بارش سے ماحول بہتر ہوگا، بیماریوں سے نجات میں بڑی مدد مل سکتی ہے، قوم نماز استسقاء ادا کرے، اللّٰہ تعالیٰ سے باران رحمت کیلئے دعا مانگی جائے۔
وزیراعظم نے کہا کہ علماء کرام اور مشائخ نماز استسقاء کے اہتمام میں کردار ادا کریں، اللّٰہ کے حضور خصوصی دعائیں کی جائیں تاکہ اس تکلیف سے نجات مل سکے۔
انہوں نے کہا کہ وفاق اور صوبوں کے زیر اہتمام تمام مساجد میں نماز استسقاء کا اہتمام کیا جائے، موجودہ صورتحال میں باران رحمت کی شدت سے ضرورت ہے۔