نیو دہلی : بھارت میں دیوالی کے تہوار کے بعد دارالحکومت نئی دہلی اسموگ کی لپیٹ میں آ گیا ہے۔بھارتی میڈیا کے مطابق نئی دہلی کے علاقے جن پتھ میں ایئر کوالٹی انڈیکس خطرناک حد پر پہنچ گیا ہے۔
بھارتی میڈیا نے بتایا کہ نئی دہلی کے علاقے جن پتھ میں ایئر کوالٹی انڈیکس 655 اعشاریہ 07 پرٹیکیولیٹ میٹرز ریکارڈ کیا گیا ہے۔بھارتی میڈیا کا مزید کہنا ہے کہ بھارتی دارالحکومت میں دیوالی پر پابندی کے باوجود آتش بازی کی گئی، جس کے باعث ایئر کوالٹی مزید خراب ہوئی۔فارکاسٹنگ ریسرچ کے مطابق بھارتی دارالحکومت نئی دہلی میں ایئر کوالٹی میں 7 نومبر تک بہتری آنے کا امکان نہیں ہے۔