پاکستان تحریک انصاف آج سے ملک میں مہنگائی کے خلاف احتجاجی تحریک شروع کرے گی۔
ذرائع کے مطابق چیئرمین پی ٹی آئی عمران خان 3 ہفتوں بعد تحریک میں شامل ہوں گے۔
اس حوالے سے پنجاب حکومت کے ترجمان کا کہنا ہے کہ جب تک حکومت نہیں جاتی پی ٹی آئی سڑکوں پر احتجاج کرے گی۔
ترجمان کے مطابق عام انتخابات کرانے سے متعلق وفاقی حکومت پر دباؤ بڑھایا جائے گا۔
دوسری جانب ذرائع کا کہنا ہے کہ عمران خان آج لاہور زمان پارک میں ارکان اسمبلی اور پارٹی رہنماؤں سے ملاقاتیں کریں گے۔
ذرائع کے مطابق ملاقاتوں میں قومی اسمبلی میں استعفوں سمیت دیگر امور کا جائزہ لیا جائے گا۔
ذرائع کا کہنا ہے کہ پنجاب میں اعتماد کے ووٹ اور صوبائی اسمبلی کی تحلیل پر بھی مشاورت ہوگی۔