بھارتی میڈیا کے مطابق ریاست کیرالا کی سابق حسینہ انسی کبیر اور ان کی رنر اپ انجانا شجن اتوار اور پیر کی درمیانی شب کار میں سفر کررہی تھیں کہ ان کی گاڑی بے قابوہوکر حادثے کا شکار ہوگئی۔
پولیس کا بتانا ہےکہ دونوں خواتین نے اپنی گاڑی سے موٹرسائیکل سوارکو بچانے کی کوشش کی جس سے ان کی کار بے قابو ہوگئی اور اس کے نتیجے میں 25 سالہ انسی کبیر اور 29 سال انجانا شجن موقع پر ہلاک ہوگئیں جب کہ ان کے ساتھ موجود دیگر دو مسافر شدید زخمی ہوئے جو اسپتال میں زیر علاج ہیں۔
پولیس کا کہنا ہےکہ خطرناک حادثے کے نتیجے میں کار مکمل طور پر تباہ ہوگئی۔