بالی ووڈ کے کنگ اور سُپر اسٹار شاہ رخ خان کا اپنی سالگرہ کے موقعے پر مداحوں کے لیے پیش کیا گیا تحفہ فلم ’پٹھان‘ کا ٹیزر، مداحوں پر اپنا جادو چلانے میں ناکام ہوگیا۔
شاہ رخ خان نے مائیکروبلاگنگ سائٹ ٹوئٹر پر شیئر کیا جسے چند منٹس میں ہی لاکھوں صارفین نے دیکھا۔ تاہم ان صارفین نے کمنٹس میں تبصرہ کرتے ہوئے اسے غیر متاثر کُن قرار دے دیا۔
ایک صارف نے لکھا کہ فلم کا ٹریلر دیکھنا ایک غلطی تھا، ان کے مطابق یہ فلم ایک فلاپ فلم ہے۔
سوشل میڈیا پر فلم کے ٹیزر کے حوالے سے فلاپ کا ہیش ٹیگ بھی ٹرینڈ کرنے لگا جبکہ کئی صارفین نے فلم کا موازنہ ’وار‘ اور ’ڈان 3‘ سے کرکے مایوسی کا اظہار کرکے فلم کے خلاف بائیکاٹ مہم کا آغاز کردیا۔
تاہم کنگ خان کے کچھ مداحوں نے ٹیزر پر خوشی کا اظہار کیا کیوں کہ چار برس بعد شاہ رخ خان کا فلمی پردے پر واپسی ہوئی ہے۔
واضح رہے کہ ایکشن، ڈرامہ اور تھرل سے بھرپور اس فلم میں اداکار جان ابراہم اور اداکارہ دیپیکا پڈوکون بھی شامل ہیں۔ یہ فلم 25 جنوری 2023 کو سینما گھروں کی زینت بنے گی۔